Ang kanser sa balat ay ang pinakakaraniwang kanser sa United States at sa mundo. Isa sa 5 Amerikano ang nagkakaroon ng kanser sa balat sa edad na 70 taong gulang.

Karamihan sa mga kanser sa balat ay idinudulot ng sobra-sobrang exposure sa ultraviolet (UV) light na mula sa araw. Hindi nakikita ang mga UV ray at maaaring makapinsala ang mga ito sa mga skin cell. Maaaring magmula ito sa:

• Araw
• Mga tanning bed
• Mga sunlamp

Mahalaga ang proteksyon laban sa mga UV ray buong taon, hindi lang sa panahon ng tag-init. Malakas pa rin ang mga UV ray kahit sa mga maulap at malamig na araw. Nagre-reflect ang mga UV ray sa mga surface na tulad ng tubig, semento, buhangin, at niyebe.

Paano mapoprotektahan ang iyong balat laban sa araw:

• Gumamit ng sunscreen na nagfi-filter sa mga UVA at UVB ray at mayroong sun protection factor (SPF) na 15 o higit pa.
• Manatili sa lilim ng payong, puno, o iba pang masisilungan kapag nasa labas.
• Magsuot ng pamprotektang damit damit gaya ng mga long-sleeved shirt, pantalon, palda, o bestida.
• Magsuot ng sumbrero na may brim na tumatakip sa iyong mukha, mga tainga, at likod ng iyong leeg.
• Gumamit ng sunglasses para protektahan ang iyong mga mata, gumamit ng sunglasses na humaharang sa mga UVB at UVA ray.
• Gamitin ang mga pondo sa SF MRA para makakuha ng money back sa kwalipikadong gastos sa tag-init

Maaari mong gamitin ang iyong mga pondo sa SF MRA para ma-reimburse ang gastos sa:

• Mga sunscreen
• Mga pagpunta sa dermatologist para sa mga checkup ng balat
• Mga pagpapatingin sa doktor
• Mga screening ng kanser
• Mga pagsubok sa lab at mga bayarin

Bisitahin ang aming Page ng Kwalipikadong Gastos para makita kung ano pa ang saklaw.